Sexologisk rådgjeving kan vera: Samtale eller rådgjeving om spørsmål, undringar og problem som er knytt til seksualitet og eller kjønn hos enkeltpersonar eller par. Tema kan variere og er mangfaldige: * Manglande lyst og/eller evne * Problem knytt til alder eller sjukdom * Spørsmål om kjønnsidentitet. * Spesielle tenningsmønster, t.d uvanlege tankar eller lyster. * Spørsmål om orientering, homofobi & heterosexisme. * Seksuelle overgrep - bearbeiding * Smerter under samleie * Vanskar med kommunikasjonen * Ønskje om eit betre sex -liv

Vi veit at mange slit med seksuelle problem. Så mange som 10 % av kvinnene og mennene her i landet seier dei har eller har hatt problem dei har trengt profesjonell hjelp med.

Eigen seksualitet er ofte vanskeleg å prate om. Problem kan vera knytt til vonde kjensler som skuld og skam, noko som gjer det vanskeleg å ta opp.

Sexologiske rådgjevarar er spesielt utdanna til å møte problem innan det seksuelle området.

Vi er vant med å samtale om og forstå seksuelle tema og problem, noko som kan gjera situasjonen lettare også for den det gjeld.

Å samtale, bli lytta til og forstått, kan vera det første steget til ei god løysing på problema dine. 

Sexologiske rådgjevarar er også spesielt utdanna til å samtale om korleis du får eit enda betre sex - liv. Ein treng ikkje ha det dårleg for å få det enda betre.